Арман Әлімжановтың төрағалығымен бюджет және жергілікті басқару мен өзін-өзі басқаруды дамыту жөніндегі тұрақты комиссияның кеңейтілген отырысы өтті, онда 2026-2028 жылдарға арналған нақтыланған облыстық бюджеттің жобасы қаралды.
Экономика және бюджеттік жоспарлау басқармасының басшысы Д.Қ.Ашкенов атап өткендей, кіріс бөлігі кірістер, әкімшілік айыппұлдар түсімдері, республикалық бюджеттен трансферттер бойынша жоспарды асыра орындау, сондай-ақ мемлекеттік бағалы қағаздар шығару есебінен қалыптастырылған.
Талқылау барысында депутаттар К.Б.Оспанова, Б.С.Досжанов, М.С.Әбілов, Р.К.Әбдікеров, Е.Б.Жүнісов, А.Е.Карин бюджеттік шығыстардың тиімділігі мен негізділігіне қатысты бірқатар мәселелер енгізді.
Тұрғын үй-коммуналдық шаруашылық және инфрақұрылым мәселелеріне көп көңіл бөлінді. Депутаттар Балқаш қаласындағы жағажайларды абаттандыру, кентішілік жолдарды жөндеу, “Новодолинка-Шахан-Молодецкое” автожолын реконструкциялау, “Теміртау-Қарағанды” және “Қарағанды-әуежай” бағыттары бойынша жол бойындағы көгалдандыру шығындары туралы мәселелерді көтерді.
Қаржыландыру көздері, қаражат бөлудің орындылығы және орындалатын жұмыстардың сапасына кепілдік талқыланды.
Мәселелердің жекелеген блогы Шахтинск ЖЭО-дағы жағдайға қатысты болды: жылу беру кезеңінде дағдарыстық жағдайларға жол бермеу шаралары, қол жеткізілмеген қызметтер үшін тұрғындарға ықтимал өтемақы және объектіні жеке басқаруға беру перспективалары.
Экономика және кәсіпкерлік саласында депутаттар “Сарыарқа” ӘКК “АҚ жарғылық капиталын ұлғайту, “Сарыарқа” АЭА мен “Саран” индустриялық аймағын қолдау, сондай-ақ олардың қызметінің ашықтығын қамтамасыз ету жөнінде түсініктеме сұрады. Қаржылық бақылауды күшейту, жер учаскелерін бөлу және салықтық преференциялар бойынша шешімдердің жариялылығын қамтамасыз ету, сондай-ақ мемлекеттік аудит жүргізу мүмкіндігін қарастыру туралы ұсыныстар айтылды.
Әлеуметтік салада МӘМС жүйесін қосымша қаржыландыру, созылмалы аурулары бар азаматтардың тізімдерін өзектендіру, Тегісшілдік кентіндегі № 6 мектепті жөндеу, ауылдық клубтарды жөндеуге қаражатты қайта бөлу, сондай-ақ мәдени-бұқаралық іс-шараларға және жастар саясатын іске асыруға арналған шығыстарды нақтылау мәселелері көтерілді.
Ауыл шаруашылығы өндірушілерін қолдауға айтарлықтай көңіл бөлінді. Шаруа-фермер қожалықтарының берешегіне байланысты пайыздық мөлшерлемелерді өтеу үшін аванс беру және кепілдік беру тетіктерін енгізу, сондай-ақ медиацияны қоса алғанда, ауыл шаруашылығы қарыз алушыларымен өзара іс-қимылдың неғұрлым икемді құралдарын қолдану ұсынылды.
Сондай-ақ, шегірткеге қарсы күресті қаржыландыру, пробация қызметін ұстау, бірқатар қалаларда шағын ЖБО құру және “AQIQAT”ақпараттық жүйесін енгізудің орындылығы мәселелері талқыланды.
Отырыс қорытындысы бойынша бейінді басқармаларға әлеуметтік маңызы бар объектілер бойынша қайта бөлу және қосымша қаржыландыру мүмкіндігін қарастыру, инфрақұрылымдық жобаларды іске асырудың ашықтығын қамтамасыз ету, арнайы экономикалық аймақтардың қызметіне бақылауды күшейту және көтерілген мәселелер бойынша жауаптарды белгіленген мерзімде ұсыну ұсынылды.
Нақтыланған облыстық бюджеттің жобасы мәслихаттың бірлескен отырысы мен кезекті сессиясының қарауына енгізілетін болады.
Ақпарат көзі : https://www.gov.kz/memleket/entities/maslihat-karagandinskoy-oblasti/press/news/details/1164757?lang=kk
Жауап қалдыру