Балпық ауылдық округіне қарасты Жаңаталап спорт кешені ашылғалы бері ауыл жастарының спортқа деген қызығушылығы артып келеді.

Әсіресе, 10–15 жас аралығындағы жасөспірімдер еркін күрестен тұрақты түрде жаттығып, аудандық және облыстық жарыстарда жақсы нәтижелер көрсетуде.
Жас балуандардың жетістіктері – жаттықтырушылардың жүйелі еңбегі мен ата-аналардың қолдауының нәтижесі. Спорт кешенінің ашылуы ауыл балаларына бос уақыттарын тиімді өткізуге, салауатты өмір салтын ұстануға және ұлттық спорт түрін дамытуға үлкен мүмкіндік беріп отыр.
Алдағы уақытта да Жаңаталап жастары қазақ күресінен биік белестерді бағындырып, ел намысын қорғайды деген сенім мол.

Ақпарат көзі : https://www.gov.kz/memleket/entities/zhetysu-karatal-balpyk/press/news/details/1165571?lang=kk