Осы жылдан бастап автокөлік салығын есептеудің жаңа ережелері күшіне енді.
10 жылдан асқан автокөліктерге 30% жеңілдік беріледі, ал 20 жылдан асқан көліктерге — 50%. Сонымен қатар, әрбір шаруа қожалығындағы бір автокөлік салықтан толық босатылады.
Алайда биыл автокөлік иелері үшін төлем сомасы өзгермейді.
Қабылданған нормалар 2026 жылдан бастап күшіне енеді, бірақ көлік салығы өткен жыл үшін төленеді. Сондықтан 2026 жылы автокөлік иелері әлі де ескі мөлшерлеме бойынша төлейді, ал жаңа жеңілдіктер келесі салық кезеңінен бастап қолданылады.
2026 жылы қай жыл үшін салық төлейміз?
2026 жылы қазақстандықтар 2025 жыл үшін көлік салығын төлейді. Бұл ретте автокөліктің жасына байланысты ешқандай төмендету қолданылмайды.
Төмендетілген салық қашан қолданыла бастайды?
Жеңіл автокөліктер үшін төмендету коэффициенттері 2026 жылдан бастап енгізіледі, бірақ олар 2026 жыл үшін есептелетін салыққа қолданылады.
Бұл дегеніміз, жүргізушілер төлем сомасының нақты азайғанын тек 2027 жылы көреді.
2027 жылы «жеңілдіктер» кімдерге қатысты болады?
Жаңа Салық кодексіне сәйкес:
• пайдалану мерзімі 10 жылдан 20 жылға дейінгі автокөліктер үшін 0,7 коэффициенті қолданылады (салық 30%-ға төмен);
• 20 жылдан асқан автокөліктер үшін 0,5 коэффициенті қолданылады (салық 50%-ға төмен).
Маңызды: көлік салығын белгіленген мерзімде — 1 сәуірге дейін төлеуді ұмытпаңыз.
Ақпарат көзі : https://www.gov.kz/memleket/entities/zhetysu-eskeldy-karabulak/press/news/details/1166548?lang=kk
Жауап қалдыру