Қазақстан Республикасында жүзеге асырылып жатқан конституциялық реформаларды халық арасында кеңінен түсіндіру бағытындағы жұмыстар Мойынқұм ауданында жүйелі түрде жалғасуда. Осы бағыттағы кезекті ақпараттық-түсіндіру кездесуі Мойынқұм ауылында өтіп, оған зиялы қауым өкілдері, ардагерлер және қоғамдық ұйым мүшелері қатысты. Кездесудің негізгі мақсаты – Конституцияға енгізілетін өзгерістер мен толықтырулардың мазмұнын жан-жақты түсіндіру, олардың қоғам дамуына тигізетін маңызын жеткізу және тұрғындармен ашық пікір алмасу болды.
Жиын барысында қатысушыларға Қазақстан Республикасының Конституциясына енгізіліп жатқан өзгерістер мен толықтырулардың негізгі бағыттары кеңінен таныстырылды. Атап айтқанда, конституциялық реформалардың елдің тұрақты дамуын қамтамасыз етуге, мемлекеттік басқару жүйесінің тиімділігін арттыруға және азаматтардың құқықтары мен бостандықтарын қорғауды күшейтуге бағытталғаны атап өтілді. Сонымен қатар ұсынылып отырған өзгерістердің қоғамдағы әділеттілік қағидаттарын нығайтуға және халықтың мемлекет ісін басқаруға қатысу мүмкіндіктерін кеңейтуге ықпал ететіні түсіндірілді.
Кездесу барысында азаматтардың құқықтары мен бостандықтарын қорғау тетіктерін жетілдіру, мемлекеттік басқару жүйесін жаңғырту, сондай-ақ халық пен билік арасындағы өзара байланысты нығайту бағытындағы жаңашыл бастамаларға ерекше назар аударылды. Қатысушыларға конституциялық реформалардың негізгі басымдықтары мен олардың елдің қоғамдық-саяси өміріндегі маңызы жан-жақты түсіндірілді.
Ашық пікір алмасу форматында өткен жиын барысында қатысушылар тарапынан бірқатар сұрақтар қойылып, өзекті мәселелер көтерілді. Қойылған сұрақтарға нақты жауаптар беріліп, ұсыныс-пікірлер назарға алынатыны айтылды. Кездесу барысында тұрғындар реформалардың маңыздылығы жөнінде өз ойларын ортаға салып, ұсыныстарын білдірді.
Жалпы, мұндай кездесулердің басты мақсаты – азаматтарға конституциялық реформалардың мәні мен маңызын түсіндіру, құқықтық сауаттылықты арттыру және қоғамда ашық әрі сындарлы диалог қалыптастыру болып табылады. Бұл бағыттағы жұмыстар тұрғындардың мемлекеттік бастамаларға деген сенімін нығайтып, қоғамдық белсенділігін арттыруға ықпал етеді.
Мойынқұм ауданында конституциялық реформаларды түсіндіру бағытындағы жұмыстар алдағы уақытта да жалғасын тауып, түрлі еңбек ұжымдары мен тұрғындар арасында жүйелі түрде ұйымдастырылатын болады.
Ақпарат көзі : https://www.gov.kz/memleket/entities/zhambyl-moyynkum/press/news/details/1166400?lang=kk
Жауап қалдыру