Түркістан облысының білім саласында сапаны қамтамасыз ету департаменті тарапынан 2026 жылғы 17-19 ақпан күндері өңірдегі Келешек мектептеріне мониторинг жүргізілді.
Мониторингте Түркістан, Отырар, Сауран, Шардара, Келес, Сарыағаш, Бәйдібек, Арыс, Сайрам, Созақ, Ордабасы, Төлеби, Жетісай және Мақтаарал аудандарындағы білім беру ұйымдары қамтылды.
Негізгі мақсат – Келешек мектептерінде білім беру қызметін жүзеге асыру барысында қолданыстағы заңнама талаптарының сақталу деңгейін кешенді түрде айқындау және сапаны қамтамасыз ету тетіктерін талдау.
Мониторинг барысында мына бағыттар жан-жақты зерделенді:
🔹 Педагогтердің сапалық құрамы мен кәсіби деңгейі;
🔹 ҚР БҒМ-нің №130 бұйрығына сәйкес әзірленген мектепішілік бақылау жоспарының болуы және оның орындалу барысы;
🔹 Қысқа мерзімді және орта мерзімді жоспарлардың талапқа сай жүргізілуі;
🔹 БЖБ және ТЖБ жұмыстарының уақытылы әрі сапалы орындалуы;
🔹 Мектептердің материалдық-техникалық базасының жай-күйі;
🔹 Ішкі бақылау нәтижелерінің педагогикалық кеңес отырыстарында қаралуы;
🔹 Педагогтердің біліктілікті арттыру курстарынан жүйелі өтуі;
🔹 «Адал азамат» бағдарламасының жүзеге асырылу деңгейі;
🔹 Оқу, көркем және ғылыми әдебиеттермен қамтамасыз етілуі;
🔹 Мектептердің жалпы санитарлық жағдайы мен қауіпсіздік талаптарының сақталуы.
Жүргізілген мониторинг нәтижелері мектеп қызметін жетілдіруге, басқару тиімділігін арттыруға және сапалы білім беру ортасын қалыптастыруға бағытталған нақты ұсыныстар әзірлеуге негіз болмақ.
Ақпарат көзі : https://www.gov.kz/memleket/entities/control-turkestan/press/news/details/1167335?lang=kk
Жауап қалдыру