Қазақстан Республикасының жаңа Конституциясы жобасын кеңінен насихаттау және оның негізгі бағыттарын халыққа түсіндіру мақсатында Шығанақ ауылы тұрғындарымен кездесу ұйымдастырылды. Аталған іс-шараның басты мақсаты – азаматтарды конституциялық реформалардың мазмұнымен таныстыру, ұсынылып отырған өзгерістердің маңызын түсіндіру және тұрғындармен ашық пікір алмасу болды.
Кездесуге ауыл тұрғындары, ардагерлер, қоғамдық ұйым өкілдері мен жастар қатысып, Қазақстан Республикасының жаңа Конституциясы жобасына енгізілетін өзгерістер мен толықтырулар туралы жан-жақты ақпарат алды. Жиын барысында Ата Заң жобасының негізгі бағыттары кеңінен түсіндіріліп, реформалардың мемлекет дамуы мен қоғам өміріндегі маңызы атап өтілді.
Іс-шара барысында Конституция жобасында қарастырылған негізгі өзгерістерге ерекше назар аударылды. Атап айтқанда, азаматтардың құқықтары мен бостандықтарын қорғау тетіктерін жетілдіру, мемлекеттік басқару жүйесінің тиімділігін арттыру, заң үстемдігін қамтамасыз ету, сондай-ақ елдің тұрақты әлеуметтік-экономикалық дамуына бағытталған бастамалар туралы кеңінен айтылды. Сонымен қатар ұсынылып отырған өзгерістердің қоғамдағы тұрақтылық пен бірлікті нығайтуға ықпал ететіні атап өтілді.
Кездесу барысында ауыл тұрғындары белсенділік танытып, өз ой-пікірлерін білдіріп, көкейлеріндегі сұрақтарын қойды. Қатысушылар тарапынан көтерілген мәселелер мен ұсыныстар жан-жақты қарастырылып, жауапты мамандар тарапынан тиісті түсіндірмелер берілді. Кездесу ашық пікір алмасу форматында ұйымдастырылып, тұрғындар мен ұйымдастырушылар арасында еркін диалог орнады.
Мұндай кездесулер азаматтардың құқықтық сауаттылығын арттыруға және конституциялық реформалардың мәнін тереңірек түсінуге мүмкіндік береді. Сонымен қатар тұрғындардың қоғамдық-саяси өмірге белсенді қатысуына ықпал етіп, мемлекет пен халық арасындағы өзара байланысты нығайтуға бағытталған маңызды шаралардың бірі болып табылады.
Қазақстан Республикасының жаңа Конституциясы жобасын түсіндіруге бағытталған ақпараттық-түсіндіру жұмыстары алдағы уақытта да жүйелі түрде жалғасатын болады.
Ақпарат көзі : https://www.gov.kz/memleket/entities/zhambyl-moyynkum/press/news/details/1168174?lang=kk
Жауап қалдыру