Аудан әкімі Серік Құдабай аудан мектептерінің жас мұғалімдермен кездесті. Аудан әкімі өзінің құттықтау сөзінде бүгінде мемлекет жас кадрлардың кәсіби қалыптасуы мен өсуі үшін барлық қажетті жағдайларды жасап жатқанын атап өтті. Ол ауылдық елді мекендерге мамандар тартуға және өңірлерде білім беру сапасын арттыруға бағытталған “Дипломмен ауылға” бағдарламасының маңыздылығын атап өтті. Іс-шара барысында білім беру жүйесін дамытудың, жаңа бастаған мамандарды қолдаудың және оқу процесіне заманауи технологияларды енгізудің өзекті мәселелері талқыланды. Кездесу аясында жас мұғалімдер алған білімдерін практикалық қызметте қолдану тәжірибесімен бөлісті. Оқу процесіне жасанды интеллект элементтерін енгізуге, цифрлық білім беру платформаларын және оқытудың инновациялық әдістемелерін пайдалануға ерекше назар аударылды. Мұғалімдер іске асырылған инновациялық жобалар, оқушылардың жетістіктері, сондай-ақ мектептегі жұмыс кезеңіндегі кәсіби қызметінің нәтижелері туралы айтып берді.
Жастар Референдум өткізуді қолдап, белсенді азаматтық ұстанымын және елдің қоғамдық-саяси өміріне тартылуын көрсетті.
Кездесу соңында әкім жас мамандарға олардың бастамашылығы, дамуға деген ұмтылысы және білім сапасын арттыруға қосқан үлестері үшін алғыс білдіріп, одан әрі қолдау мен ашық диалогтың маңыздылығын атап өтті.
Ақпарат көзі : https://www.gov.kz/memleket/entities/aqmola-sand/press/news/details/1166967?lang=kk
Жауап қалдыру