Гаджеттерді цифрлық алаяқтықтан қалай қорғауға болады

Алаяқтар қаржылық ақпаратқа қол жеткізу арнасы ретінде азаматтардың мобильді құрылғыларын пайдалану оқиғалары жиілеп кетті. Зиянды қосымшалар, жалған сілтемелер және жалған хабарламалар арқылы қаскүнемдер онлайн-банкингке, CVV- кодтарына, логиндерге, құпиясөздерге және басқа да конфиденциалды  деректерге қол жеткізуге тырысады. Бұл дербес ақпараттың және  қолма-қол ақшаның жоғалуына әкелуі мүмкін.

Қауіпсіздікті қамтамасыз ету үшін Қаржы нарығын реттеу және дамыту агенттігі мыналарды ұсынады:

• вирусқа қарсы бағдарламалық жасақтаманы орнатыңыз және оны үнемі жаңартып отырыңыз;
• қосымшаларды тек ресми көздерден жүктеп алыңыз (Google Play, App Store);
• қосымшалар сұраған рұқсаттарды тексеріп, байланыстарға, SMS-ке, микрофонға және экранға кіруді шектеңіз;
• хаттармен, мессенджерлермен және push-хабарламалармен келетін күдікті сілтемелер бойынша өтпеңіз;
• әр түрлі қызметтер үшін күрделі және әр түрлі құпиясөздерді қолданыңыз, құпиясөз менеджерлерін қолданыңыз;
• телефоныңызда банк карталарының фотосуреттерін, құпия сөздерді және электрондық қолтаңбаны сақтамаңыз;
• құрылғыны жоғалтып алған кезде экранды бұғаттауды, биометриялық қорғауды және деректерді қашықтан жою мүмкіндігін қосыңыз;
• қоңырау соғушы өзін банк немесе құқық қорғау органдарының қызметкерімін деп таныстырса да, телефон немесе мессенджерлер арқылы кодтарды, құпиясөздерді және басқа да құпия ақпаратты хабарламаңыз.

Қосымша мыналар ұсынылады:

• операциялық жүйені және орнатылған қосымшаларды үнемі жаңартып отырыңыз, себебі жаңартуларда маңызды қауіпсіздік патчтары бар;
• банктік хабарламалар арқылы қаржылық операцияларыңызды қадағалап отырыңыз, транзакцияларға шектеулер қойыңыз, сондай-ақ банктік қосымшаға кірген кезде биометрияны қолданыңыз;
• бүкіл отбасының кибергигиенасын жүргізу: балалар мен қарт туыстарға алаяқтықты шынайы хабарландырулардан қалай ажыратуға болатынын және әлеуметтік инженерияға қалай қарсы тұру керектігін түсіндіріңіз.

Егер сіз құрылғыны жоғалтсаңыз немесе рұқсатсыз кіруге күдіктенсеңіз:

• банк карталарын дереу бұғаттаңыз, барлық құпиясөздерді өзгертіңіз және онлайн-банктегі сессияларды ажыратып тастаңыз;
• құқық қорғау органдарына хабарласыңыз;
• қажет болса, SIM-картаны ұялы байланыс операторында бұғаттаңыз.

Көп пайдалы материалдар Fingramota.kz. сайтында қолжетімді  

Сыртқы коммуникациялар басқармасы

press@finreg.kz

Ақпарат көзі : https://www.gov.kz/memleket/entities/ardfm/press/news/details/1169203?lang=kk