Батыс Қазақстан облысы бойынша Батыс Қазақстан облысы бойынша Экономикалық тергеп-тексеру департаменті Ақжайық ауданының прокуратурасымен және ішкі істер органдары қызметкерлерімен бірлесіп «Заң және тәртіп» тұжырымдамасын іске асыруға арналған форумға қатысты.
Аға жедел уәкілі Қадырұлы А. Ақжайық ауданы мектептерінің оқушылары алдында сөз сөйлеп, жастардың құқықтық сауаттылығын арттыруға және жауапты мінез-құлық қалыптастыруға бағытталған баяндама жасады.
Оқушыларға экономикалық құқық бұзушылықтардың негізгі түрлері, сондай-ақ заңсыз қаржылық схемаларға, соның ішінде «дроперлікке» қатысудың салдары түсіндірілді. Ерекше назар цифрлық қауіпсіздікке, жеке деректерді қорғауға, банк карталары мен мобильді қосымшаларды пайдалану кезінде сақ болуға аударылды.
Департамент қызметкерлері тәжірибеден нақты мысалдар келтіріп, қаскүнемдердің әлеуметтік желілер мен мессенджерлер арқылы кәмелетке толмағандарды заңға қарсы әрекеттерге қалай тартатынын түсіндірді. Оқушыларға сыни ойлаудың маңыздылығы, ақпаратты тексеру және күмәнді ұсыныстар болған жағдайда ата-аналарға немесе педагогтарға жүгіну қажеттігі еске салынды.
Өскелең ұрпақпен профилактикалық жұмыс жүргізу — экономикалық қауіпсіздікті қамтамасыз етуге және азаматтардың заңды мүдделерін қорғауға бағытталған Департамент қызметінің басым бағыттарының бірі болып қала береді.
Ақпарат көзі : https://www.gov.kz/memleket/entities/afm-zko/press/news/details/1170495?lang=kk
Жауап қалдыру