Облыс аумағында кәмелетке толмағандар арасындағы құқық бұзушылықтардың алдын алу, олардың қауіпсіздігін қамтамасыз ету және ата-аналардың жауапкершілігін арттыру мақсатында «Жасөспірім» жедел-профилактикалық іс-шарасы өткізілуде
Іс-шара барысында барлығы 73 кәмелетке толмағандардың заңды өкілі әкімшілік жауапкершілікке тартылды.
Атап айтқанда:
• Ата-аналардың немесе басқа да заңды өкілдердің кәмелетке толмаған балаларды тәрбиелеу, оларға білім беру, құқықтары мен мүдделерін қорғау, қауіпсіздігін қамтамасыз ету, күтім жасау және күтіп-бағу жөніндегі міндеттерін орындамағаны үшін – 2;
• Кәмелетке толмағандардың жасаған бұзақылығы үшін – 4;
• Он сегіз жасқа толмағандардың қоғамдық орындарға масаң күйде келуі және алкогольдік ішімдіктерді пайдалануы бойынша – 1;
• Кәмелетке толмағандардың ойын-сауық мекемелерінде түнгі уақытта заңды өкілдерінің еріп жүруінсіз болғаны үшін – 10;
• Кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23:00-ден таңғы 06:00-ге дейін жүргені үшін – 50 дерек тіркелді.
Сонымен қатар, кәмелетке толмағандардың түнгі уақытта ойын-сауық мекемелерінде болуына жол бергені үшін 5 мекеменің әкімшілігі әкімшілік жауапкершілікке тартылды.
Полиция департаменті ата-аналарға балалардың жүріс-тұрысын бақылауда ұстау, олардың бос уақытын тиімді ұйымдастыру және заң талаптарын сақтау қажеттігін ескертеді. Жасөспірімдердің қауіпсіздігі – ортақ жауапкершілік.
Ақпарат көзі : https://www.gov.kz/memleket/entities/mvd-zko/press/news/details/1173144?lang=kk
Жауап қалдыру