Үйлесімді әрі тұрақты қоғам қалыптастыру құқықтар мен міндеттердің тепе-теңдігін талап етеді. Мұндай жағдайда мемлекет те, азаматтар да заңға, әділеттілікке және өзара құрметке сүйене отырып әрекет етеді. Қоғам дамуының маңызды шарты – адам қадір-қасиетінің құндылығын мойындау, құқық нормаларын сақтау және адалдық қағидаттарын ұстану.
«Адал азамат» тұжырымдамасы жеке адалдықтың, қоғам мен мемлекет алдындағы жауапкершіліктің, белгіленген ережелерді құрметтеудің және белсенді азаматтық ұстанымның маңыздылығын көрсетеді. Осы идея аясында мемлекет азаматтардың құқықтары мен бостандықтарын қорғауды қамтамасыз етеді, тең мүмкіндіктер ұсынады және өз қызметінің ашықтығын арттыруға ұмтылады.
Сонымен бірге азаматтар заң талаптарын сақтауға, өзгелердің мүдделерін ескеруге және қоғамдық бірлікті нығайтуға үлес қосуға міндетті. «Адал азамат» құндылықтарының таралуы құқықтық мәдениетті арттырып, өзара сенімді нығайтады және белсенді азаматтық қоғамның қалыптасуына ықпал етеді.
Ақпарат көзі : https://www.gov.kz/memleket/entities/ombudsman-almaty/press/news/details/1177622?lang=kk
Жауап қалдыру