Ынталы ауылдық округінде оқушылар арасында тоғызқұмалақтан жарыс ұйымдастырылды. Аталған сайысқа ауыл мектептерінің оқушылары қатысып, ұлттық зияткерлік ойын бойынша өзара бақ сынасты. Іс-шараның негізгі мақсаты – ұлттық спорт түрі тоғызқұмалақты кеңінен насихаттау, жасөспірімдердің логикалық ойлау қабілетін дамыту, сондай-ақ олардың бос уақытын тиімді ұйымдастыру болып табылады. Сонымен қатар, оқушылардың ұлттық құндылықтарға деген қызығушылығын арттыруға ерекше мән берілді. Жарыс барысында қатысушылар жоғары дайындық деңгейін көрсетіп, тартысты әрі қызықты ойын өрнегін көрсетті. Әрбір ойыншы жеңіске жету үшін бар күш-жігерін салып, өз шеберліктерін дәлелдеуге тырысты. Ойын барысында қатысушылардың зейінділігі, ойлау жылдамдығы және стратегиялық қабілеттері айқын байқалды. Жарыс қорытындысы бойынша үздік нәтиже көрсеткен жеңімпаздар мен жүлдегерлер анықталып, олар Ынталы ауылдық округі әкімінің арнайы жүлделерімен және мадақтамаларымен марапатталды. Марапаттау рәсімінде округ әкімі қатысушыларды құттықтап, ұлттық спорт түрлерін дамытуға бағытталған мұндай шаралардың алдағы уақытта да жалғасын табатынын атап өтті. Мұндай жарыстар ауыл жастарының ұлттық ойындарға деген қызығушылығын арттырып қана қоймай, олардың интеллектуалдық дамуына, достық қарым-қатынас пен салауатты өмір салтын қалыптастыруға оң ықпал етеді.
Ақпарат көзі : https://www.gov.kz/memleket/entities/zhetysu-alakol-yntaly/press/news/details/1177461?lang=kk
Жауап қалдыру