Қоғамдық тәртіпті сақтау – әрбір азаматтың маңызды міндеті. Заң талаптарын сақтау, өзара құрмет көрсету және қоғамдық орындарда мәдениетті мінез-құлық таныту қоғамдағы қауіпсіздік пен тұрақтылықтың басты кепілі болып табылады.
Қоғамдық тәртіптің сақталуы азаматтардың қауіпсіз өмір сүруіне, құқық бұзушылықтардың алдын алуға және қоғамдағы өзара сыйластық пен жауапкершіліктің қалыптасуына ықпал етеді. Осыған байланысты полиция қызметкерлері тәулік бойы қоғамдық қауіпсіздікті қамтамасыз ету, құқық бұзушылықтардың алдын алу және азаматтардың құқықтары мен бостандықтарын қорғау бағытында жүйелі жұмыстар жүргізуде.
Полиция қызметкерлері көшелер мен қоғамдық орындарда тұрақты түрде патрульдік қызмет атқарып, профилактикалық іс-шаралар мен түсіндіру жұмыстарын жүргізеді. Сонымен қатар заманауи цифрлық технологиялар, бейнебақылау жүйелері және жедел басқару орталықтарының мүмкіндіктері кеңінен қолданылып, құқық бұзушылықтардың алдын алуға және оларды дер кезінде анықтауға мүмкіндік беруде.
Құқық қорғау органдары қоғамдық қауіпсіздікті қамтамасыз ету ісінде азаматтардың қолдауына үлкен мән береді. Сондықтан тұрғындарды заң талаптарын сақтауға, қоғамдық орындарда тәртіп бұзбауға, сондай-ақ күмәнді немесе құқық бұзушылық фактілері анықталған жағдайда полиция органдарына дереу хабарлауға шақырамыз.
Қоғамдық тәртіпті сақтау – ортақ міндет. Тек бірлескен күш-жігер арқылы ғана қауіпсіз әрі тұрақты қоғам қалыптастыруға болады.
Ақпарат көзі : https://www.gov.kz/memleket/entities/mvd-mangystau/press/news/details/1179029?lang=kk
Жауап қалдыру