Қазақстан Республикасы Тәуелсіздігінің 35 жылдығына орай, Қазақстан Республикасы Оқу-ағарту министрлігінің Біртұтас тәрбие бағдарламасын іске асыру мақсатында аға буын мен жас ұстаздардың байланысын нығайтуға бағытталған «Талантты ардагер – талапты жас ұстаз!» тақырыбындағы педагогика саласының ардагерлері мен жас ұстаздар арасында дәстүрлі облыстық фестивальдің аудандық кезеңі өтті.
Фестиваль Кентау Назарбек — Қазақстан композиторлар одағының мүшесі, Абай елінің құрметті азаматы, Қазақ өнерінің қайраткері, Әл-Фараби атындағы оқушылар сарайының вокал және аспаптық бөлім жетекшісі — және облысымыздың жергілікті композиторларының шығармашылығына арналды.
Фестиваль келесі байқаулар бойынша ұйымдастырылды:
1-байқау – онлайн форматта:
-
Жергілікті композиторлардың шығармашылығы туралы үздік эссе байқауы (ардагер ұстаздар арасында);
-
«Жергілікті композитордың шығармашылығы» тақырыбында үздік бейнеролик байқауы (жас ұстаздар арасында).
2-байқау – офлайн форматта:
-
Композитор Кентау Назарбектің патриоттық әндерін үздік орындау сайысы.
3-байқау – офлайн форматта:
-
Жергілікті композиторлардың әндерін үздік орындау сайысы (дуэт, трио, квартет, вокал).
Фестиваль қорытындысы бойынша жүлделі орындар анықталып, әр байқау бойынша арнайы номинациялар берілді. І орын иегерлері фестивальдің облыстық кезеңіне жолдама алды.
Облыстық фестивальге қатысатын барлық қатысушыларға сәттілік тілейміз! ✨
Ақпарат көзі : https://www.gov.kz/memleket/entities/aksuat-bilim/press/news/details/1178758?lang=kk
Жауап қалдыру