Жанама ауылдық округінде аудандық кітапхана мекемесі мен Жанама қазақ орта мектебінің басшыларының қатысуымен үшжақты ынтымақтастық туралы меморандумға қол қойылды.
Меморандумның негізгі мақсаты – округ тұрғындарына, әсіресе өскелең ұрпаққа кітап оқуды кеңінен насихаттау, рухани-мәдени құндылықтарды дәріптеу және жылжымалы кітапхана қызметін ұйымдастыру болып табылады.
Аталған бастама ауыл тұрғындарының кітап қорына қолжетімділігін арттыруға, сондай-ақ жастардың білімге деген қызығушылығын дамытуға бағытталған. Кітап – ұрпақ тәрбиесінің, білім мен парасаттың қайнар көзі. Сондықтан өскелең ұрпақтың кітап арқылы алған білімі мен тәрбиесінің маңызы ерекше.
Алдағы уақытта меморандум аясында бірлескен мәдени-танымдық іс-шаралар ұйымдастырылып, ауыл тұрғындарының кітап оқуға деген қызығушылығын арттыруға бағытталған жұмыстар жүйелі түрде жүргізілетін болады.
Ақпарат көзі : https://www.gov.kz/memleket/entities/zhetysu-alakol-zhanama/press/news/details/1179921?lang=kk
Жауап қалдыру