Жұмыс істейтін қазақстандықтарды әлеуметтік қорғауды күшейту мақсатында 2005 жылғы 1 шілдеден бастап “жұмыс берушінің еңбек міндеттерін атқару кезінде оның өмірі мен денсаулығына зиян келтіргені үшін азаматтық-құқықтық жауапкершілігін міндетті сақтандыру туралы” Заңға сәйкес Қазақстанда қызметкерді жазатайым оқиғалардан сақтандыру енгізілді.
Оның негізгі мақсаты зардап шеккен қызметкердің жоғалған табысын ауыстыру, сондай-ақ денсаулыққа зиян келтіруден туындаған шығындарды өтеу болып табылады.
Сақтандырудың бұл түрі Жұмыс берушінің қаражаты есебінен жүзеге асырылады. Жұмыс беруші сақтандыру жағдайы басталған кезде сақтандыру төлемдерін жүзеге асыратын сақтандыру ұйымымен қызметкерді жазатайым оқиғалардан міндетті сақтандыру шартын жасасады.
Еңбек міндеттерін орындауға байланысты жазатайым оқиғаның нәтижесінде зардап шеккен қызметкерге жалпы және кәсіптік еңбекке қабілеттілігінен айырылу дәрежесі белгіленеді, соның негізінде ол әлеуметтік қорғаудың көп деңгейлі жүйесінен әлеуметтік төлемдер алады, атап айтқанда:
– белгіленген мүгедектік тобына байланысты бюджеттен мүгедектік бойынша Мемлекеттік әлеуметтік жәрдемақы;
– Мемлекеттік әлеуметтік сақтандыру қорынан төленетін әлеуметтік төлем-ол мертігуге дейін алған табысына, міндетті әлеуметтік сақтандыру жүйесіне қатысу өтіліне, жалпы еңбек ету қабілетінен айрылу дәрежесіне байланысты;
– сақтандыру ұйымынан сақтандыру төлемі-кәсіптік еңбекке қабілеттілігінен айырылу дәрежесіне байланысты.
Ақпарат көзі : https://www.gov.kz/memleket/entities/kostanai-enbek/press/news/details/1180004?lang=kk
Жауап қалдыру