Қарағандыда ұлы композитор Вольфганг Амадей Моцарттың туғанына 270 жыл толуына арналған концерт өтеді. Классикалық музыка кешін Еркеғали Рахмадиев атындағы академиялық симфониялық оркестрдің музыканттары дайындады.
«Моцарт — мәңгілік» атты концерт бағдарламасына композитордың әйгілі шығармалары енген. Кеш барысында көрермендерге «Кішкентай түнгі серенада», соль минордағы №25 симфония, №41 «Юпитер» симфониясының финалы, «Фигароның үйленуі» операсына жазылған увертюра, соль мажордағы флейта мен оркестрге арналған концерт, до мажордағы гобой мен оркестрге арналған концерт, сондай-ақ ля мажордағы скрипка мен оркестрге арналған №5 концерт ұсынылады.
Гобой партиясын оркестр солисі Огеми Хегай орындайды. Флейтада Наталья Катанцева, ал скрипкада Тинико Кублашвили жеке орындаушы ретінде өнер көрсетеді.
Дирижер — халықаралық байқаулардың лауреаты, композитор Әбілқайыр Сағымбаев.
Концерт 15 наурыз күні сағат 14:00-де цирк ғимаратында өтеді.
Ақпарат көзі : https://www.gov.kz/memleket/entities/karaganda/press/news/details/1180015?lang=kk
Жауап қалдыру