Бакудағы Қазақстан Елшілігі жанындағы учаскеде жаңа Конституция бойынша референдум аясында дауыс беру белсенді түрде өтіп жатыр. Жергілікті уақыт бойынша сағат 16:00-дегі жағдайға сәйкес, тіркелген 200 сайлаушының 162-і дауыс берген.
Азаматтық борышын орындауға Әзербайжанның жоғары оқу орындарында білім алып жатқан студенттер, халықаралық ұйымдар мен мен Қазақстан компанияларының Әзербайжандағы филиалдарының қызметкерлері, туристер, сондай-ақ халықаралық STEM олимпиадасына қатысу үшін Бакуға келген қазақстандық оқушылардың ата-аналары мен мұғалімдері келді. Бастауыш сынып оқушыларынан құралған қазақстандық топ командалық есепте бірінші орынды иеленді.
Учаскелік сайлау комиссиясы туған күндері референдум күнімен тұспа-тұс келген екі азаматымызды құттықтады. Қазақстанның Әзербайжандағы Елшісі Әлім Байел дауыс берудің Наурыз мерекесі қарсаңында өтіп жатқанының символдық мәнін атап өтті. Наурыз – қазақ және әзербайжан халықтары үшін жаңарудың жаршысы саналатын маңызды мереке.
Елшілік жанындағы сайлау учаскесі Баку уақыты бойынша сағат 20:00-ге дейін жалғасады.
Ақпарат көзі : https://www.gov.kz/memleket/entities/mfa-baku/press/news/details/1181503?lang=kk
Жауап қалдыру