Учаскелер дауыс беруге дайын және заңнама талаптарына сай — Орталық референдум комиссиясы
Учаскелерде мүгедектігі бар адамдар үшін барлық жағдай жасалған. Бұл жөнінде Орталық референдум комиссиясы мәлімдеді.
— Учаскелерде арнайы бұрыштар жасақталған. Олар компьютерлер, лупалар, қосымша жарықтандыру, дауыс беру бюллетеніне арналған Брайль қарпімен трафареттер, сондай-ақ Конституция жобасының мемлекеттік және орыс тілдеріндегі аудио нұсқасымен жабдықталған. Сонымен қатар ғимараттар пандустармен, кіреберісте тактильдік көрсеткіштермен және ішкі навигациямен қамтамасыз етілген, — делінген ОРК ақпаратында.
Сонымен бірге референдум күні инватакси және сурдоаудармашылардың қызметтері қарастырылады.
Елдің үш өңірінде — Ақтөбе, Қостанай және Павлодар облыстарында пилоттық жоба жүзеге асырылады. Аталған аймақтарда мүгедектігі бар дауыс берушілер үшін инновациялық шешімдер енгізілген бір учаске жұмыс істейді.
Ақпарат көзі : https://www.gov.kz/memleket/entities/aktobe-shalkar-shalkar/press/news/details/1180217?lang=kk
Жауап қалдыру