Жас педагогтердің жарқын жеңісі!

2026 жылдың 9–11 наурыз күндері Алматы қаласында ҚР Оқу-ағарту министрлігінің «Дарын» республикалық ғылыми-практикалық орталығы ұйымдастырған «Дарынды балаларға – талантты ұстаз» республикалық педагогикалық олимпиадасы өтті.

Білім додасы жас педагогтердің шығармашылық әлеуетін дамытуға, өзін-өзі жетілдіруге және білім беру жүйесін жетілдіруге бағытталған белсенді кәсіби көзқарасын қалыптастыру мақсатында ұйымдастырылды.

Аталған байқауға Батыс Қазақстан облысынан 10 жас маман қатысып, кәсіби шеберлігі мен іс-тәжірибесін жоғары деңгейде көрсетті. Нәтижесінде өңір педагогтері олимпиаданың жеңімпаздары мен жүлдегерлері атанып, облысымыздың абыройын асқақтатты.

Олимпиада қорытындысы бойынша:

І орын

• Шаденова Диана Болатбекқызы — БҚО дарынды балаларға арналған мамандандырылған ақпараттық технологиялар мектеп-лицей-интернатының физика пәні мұғалімі;

• Кеңесова Перизат Қайсарқызы — Қаратөбе ауданы Шөптікөл жалпы орта білім беретін мектебінің тәлімгері.

ІІ орын

• Гумарова Әсем Болатқызы — Шыңғырлау ауданы Ардақ мектеп-бөбекжай-балабақша кешенінің тәлімгері.

ІІІ орын

• Кәрім Нұрдана Әділқызы — Казталов ауданы К.Мендалиев атындағы жалпы орта білім беретін мектебінің география пәні мұғалімі;

• Шияпов Мирас Серікжанұлы — Орал қаласы №45 жалпы орта білім беретін мектебінің математика пәні мұғалімі;

• Аманбаева Асима Мирболатовна — Шыңғырлау ауданы Амангелді негізгі орта мектебінің педагог-психологі.

Грамота иегерлері:

• Мугалимова Гулназ Имангазиевна — С.Сейфуллин атындағы №11 облыстық дарынды балаларға арналған мамандандырылған мектеп-лицей-интернатының математика пәні мұғалімі;

• Бейсова Назерке Жасбайқызы — Қаратөбе ауданы Қ.Жұмалиев атындағы Қаратөбе мектеп-гимназиясының логопеді;

• Мырзахметов Алмат Манарбекұлы — Ақжайық ауданы С.Ошанов атындағы жалпы білім беретін мектебінің география пәні мұғалімі.

Жас педагогтерімізді лайықты жеңістерімен шын жүректен құттықтаймыз! Сіздердің кәсіби шеберліктеріңіз бен білімге деген адал еңбектеріңіз – болашақ ұрпақтың сапалы білім алуына қосылған үлкен үлес.

Жаңа жетістіктер мен шығармашылық табыс тілейміз!