Наурыз мерекесі қарсаңында Қазақстанның әуе компаниялары ішкі бағыттар бойынша қосымша рейстер санын арттыруда.
Air Astana мен FlyArystan 16–29 наурыз аралығында сұраныс жоғары бағыттарға 146 қосымша рейс орындайды. Оның 80-і Алматы – Астана бағытына жоспарланған.
Сондай-ақ Алматы, Астана және Ақтаудан Ақтөбе, Шымкент, Түркістан, Қарағанды, Қостанай, Семей, Атырау, Өскемен және Орал қалаларына қосымша рейс ұйымдастырылады.
Ал SCAT әуе компаниясы 19–21 наурыз күндері Алматы – Астана бағыты бойынша 5, Шымкент – Ақтау бағытына 1 рейс ашады.
Бұдан бөлек, 23–26 наурыз аралығында Алматы – Астана бағытына тағы 4, ал Шымкент – Астана және Ақтау – Астана бағыттарына бір-бірден қосымша рейс жоспарланған.
Ақпарат көзі : https://www.gov.kz/memleket/entities/shymkent-ishki-sayasat/press/news/details/1183335?lang=kk
Жауап қалдыру