Бүгін Дене шынықтыру және спорт басқармасы сноубордтан жылдың басты ұлттық додалары – Қазақстан Республикасының чемпионаты мен Жастар біріншілігінің негізгі жарыс күндерін ресми түрде бастады.
Оған Өскемен, Риддер, Алматы қалалары мен Алматы облысынан келген 56 үздік спортшы қатысып жатыр.
Турнирлер параллельді режимде өтіп, бір трассада тәжірибелі шеберлер мен өскелең ұрпақтың басын қосты.
Жастар біріншілігі 7 жастан 20 жасқа дейінгі төрт жас ерекшелігі тобын қамтыса, ересектер арасындағы чемпионатта 16 жастан асқан ерлер мен әйелдер жүлдеге таласуда. Барлық жарыс FIS халықаралық ережелеріне сәйкес өткізілуде, бұл доданың жоғары мәртебесін айқындайды.
Қауіпсіздікті қамтамасыз ету және төреліктің жоғары деңгейі ұйымдастырушылардың ерекше бақылауында. Мұндай ауқымды турнирлерді өткізу аймақтар арасындағы спорттық байланысты нығайтуға және Қазақстанда сноуборд дисциплиналарын кеңінен насихаттауға ықпал етеді.
Жарыс бағдарламасы:
* 17 наурыз: параллельді алып слалом (іріктеу, финал);
* 18 наурыз: параллельді слалом (іріктеу, финал);
* 19 наурыз: командалық жарыс (аралас командалар), параллельді слалом;
* 19 наурыз: қорытындылау, салтанатты марапаттау рәсімі.
Ақпарат көзі : https://www.gov.kz/memleket/entities/akimvko/press/news/details/1182997?lang=kk
Жауап қалдыру