Ұлттық статистика бюросы өткен жылғы елдегі туу көрсеткішін жариялады. Олардың мәлімдеуінше, 2025 жылдың 12 айында Қазақстанда 335 мың сәби дүниеге келген. Олардың 51,5% ұл, 48,5% – қыз.
Ресми дерекке сүйенсек, туудың ең жоғары коэффициенті Түркістан (1 мың тұрғынға шаққанда 22,22 сәби), Маңғыстау (21,40) облыстарында және Шымкент қаласында (21,76) тіркелді. Түркістан облысында 45 мыңнан астам сәби дүние есігін ашқан.
Туу көрсеткішінің негізгі үлесі 25-29 жас аралығындағы әйелдерге – 27%, сондай-ақ 30-34 жас аралығындағы әйелдерге – 26,1% тиесілі.
Былтыр 20 жасқа дейінгі әйелдер 10,4 мың баланы, ал 50 жастан асқан әйелдер 148 баланы дүниеге әкелген. 20 жасқа дейін босанған аналардың саны Түркістан облысында басым болса, 50 жастан асып дүниеге нәресте әкелген аналар саны Алматы қаласында көп.
Былтыр туған балалардың 24% (79,8 мыңы) отбасының тұңғышы атанса, кезек саны бойынша отбасында төртінші болып 53,5 мыңнан астам бала дүниеге келген (жалпы 16%).
Ақпарат көзі : https://www.gov.kz/memleket/entities/ontustik/press/news/details/1183254?lang=kk
Жауап қалдыру