16 наурызда Ғабит Мүсірепов атындағы №43 орта мектепте «Дін саласындағы Қазақстан Республикасы заңнамасының өзекті жай-күйі» тақырыбында семинар ұйымдастырылды. Іс-шараға қала мектептерінің психологтары мен әлеуметтік педагогтері қатысты.
Кездесудің негізгі мақсаты — педагогтердің діни сауаттылығын арттыру, сондай-ақ зайырлы мемлекет принциптері туралы орнықты түсінік қалыптастыру. Семинар барысында қатысушыларға Қазақстан Республикасының дін саласындағы заңнамасының негізгі ережелері егжей-тегжейлі түсіндірілді. Діни әртүрлілік мәселелеріне, түрлі дүниетанымдарға құрметпен қараудың маңыздылығына және конфессияаралық келісімді қамтамасыз етудегі мемлекеттің рөліне ерекше назар аударылды.
Семинар ашық диалог форматында өтті: қатысушылар белсенді түрде сұрақтар қойып, пікір алмасты және шақырылған сарапшыдан тұшымды жауаптар алды. Мұндай өзара іс-қимыл форматы құқықтық мәдениетті, сыни ойлауды дамытуға және, әсіресе, діни білім саласында ақпарат көздерін саналы түрде таңдауға ықпал етеді.
Білім беру жүйесінің дін саласындағы мемлекеттік саясатты іске асырудағы және өскелең ұрпақты төзімділік, азаматтық жауапкершілік пен ел заңнамасына құрмет рухында тәрбиелеудегі рөліне ерекше екпін қойылды.
Іс-шара қорытындысы бойынша қатысушылар оның практикалық маңыздылығын атап өтті. Заңнама бойынша алынған түсіндірмелер мен өзекті сұрақтарға берілген жауаптар педагогтердің кәсіби хабардарлығын арттыруға және тәрбие жұмысы саласындағы өзара іс-қимылды нығайтуға септігін тигізді.
Ақпарат көзі : https://www.gov.kz/memleket/entities/sko-udr/press/news/details/1183793?lang=kk
Жауап қалдыру