Құрметті Ұлытау облысының тұрғындары!
Баршаңызды қасиетті Ораза айт мерекесімен шын жүректен құттықтаймын!
Бұл ұлық мейрам – сабыр мен шүкірліктің, қайырымдылық пен мейірімділіктің жарқын көрінісі. Бір ай бойы ұсталған оразаның қорытындысы ретінде келетін айт күні әр шаңыраққа береке, әр жүрекке қуаныш сыйлайды. Осындай ізгі сәтте халқымыздың бірлігі мен татулығы одан әрі нығая түседі деп сенемін.
Ұлытау өңірі – тарихы терең, рухы асқақ қасиетті мекен. Осындай киелі өлкеде өмір сүріп жатқан әрбір азаматтың еңбегі мен бірлігі өңіріміздің өркендеуіне үлкен үлес қосып келеді. Сіздердің адал еңбектеріңіз бен елге деген жанашырлықтарыңыз – біздің ортақ жетістігіміздің негізі.
Ораза айт әр шаңыраққа құт-береке, молшылық пен амандық әкелсін! Жақсылық пен игі істеріңіз арта берсін! Отбасыларыңызға бақыт, дендеріңізге саулық, ел іргесіне тыныштық тілеймін!
Ізгі ниетпен,
Ұлытау облыстық мәслихатының төрағасы
Б.Шыңғысов
Ақпарат көзі : https://www.gov.kz/memleket/entities/maslihat-ulytau/press/news/details/1186643?lang=kk
Жауап қалдыру