А.С.Асанованың төрағалығымен өткен аудандық мәслихаттың кезектен тыс XXXIII сессиясында депутаттар аудан бюджетін және бірқатар ауылдық округтердің бюджеттерін нақтылау мәселелерін қарады.
Аудандық бюджетті түзету Қазақстан Республикасы Бюджет кодексінің 96-бабына сәйкес жүргізілді. Бұған «Тимирязев ауданының кейбір мемлекеттік мекемелерін қайта ұйымдастыру және мемлекеттік тіркеу туралы» аудан әкімдігінің 2026 жылғы 12 ақпандағы № 36 қаулысы негіз болды. Осы құжат шеңберінде Есіл ауылдық округі Ақсуат ауылдық округіне, Ленин – Мичурин ауылдық округіне, Целинный – Хмельницкий ауылдық округіне қосылды.
Бюджетті нақтылаудың негізгі көзі трансферттерді қайта бөлу болды. Атап айтқанда, Есіл ауылдық округінің субвенциялары қысқартылып, Ақсуат ауылдық округіне жіберілді; Ленин ауылдық округінің субвенциялары азайтылып, Мичурин ауылдық округінің пайдасына қайта бөлінді; Целинный ауылдық округінің субвенциялары да қысқартылды және Хмельницкий ауылдық округіне қайта бөлінді.
Сессия жұмысына аудан әкімінің орынбасары Р.Е. Рамазанов, бірқатар аудандық мекемелердің басшылары, сондай-ақ ауылдық округтердің әкімдері қатысты.
Ақпарат көзі : https://www.gov.kz/memleket/entities/timiryazmaslihat-sko/press/news/details/1187797?lang=kk
Жауап қалдыру