Ұлттық мұраны жаңғырту аясында Екібастұз қаласындағы №25 қыздар қазақ гимназиясы бірегей білім беру марафонын бастады. Жаңару мен берекеге толы көктем күндерінде төл ойынымыз «Бестемшені» бастауыш сынып оқушыларының даму бағдарламасына енгізудің маңызды кезеңі қорытындыланды.
«Бестемше» — жай ғана ойын емес. Бұл логиканы, стратегиялық ойлауды және төзімділікті дамытатын нағыз «дала математикасы». Көшпенділер мәдениетінің осы бір асыл мұрасы өңірдегі әрбір мектептен лайықты орын алуы үшін №25 гимназия педагогтері тәжірибелік және тереңдетілген сабақтар өткізді.
Шараның ең жарқын сәті — білім мен тәжірибе эстафетасының Екібастұз қаласындағы №26 мектеп-гимназиясына салтанатты түрде табысталуы болды. Бұл қадам зияткер ұлтты тәрбиелеу жолында қала мектептері арасындағы тығыз байланыстың жарқын көрінісіне айналды.
— Біздің мақсатымыз — ұлттық құндылықтарды заманауи мектеп өмірінің ажырамас бөлігіне айналдыру. «Бестемше» — өткен мен болашақты жалғайтын алтын көпір, — дейді ұйымдастырушылар.
Ақпарат көзі : https://www.gov.kz/memleket/entities/pavlodar-edu/press/news/details/1189738?lang=kk
Жауап қалдыру