2026 жылғы 18 – 19 наурыз аралығында Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы ҚР ҚМ МКК Кедендік бақылау департаментінің Өткізу пункттерін үйлестіру басқармасымен бірлесіп «Қазақстан Республикасының Мемлекеттік шекарасымен сәйкес келетін ЕАЭО-ның сыртқы шекарасында мемлекеттік бақылау түрлерін жүзеге асыру (көліктік бақылау, санитариялық-карантиндік бақылау» тақырыбына  Polycom БКБ арқылы қашықтықтан семинар өткізді.

 Іс-шараның мақсаты – мемлекеттік кірістер органдарының қызметкерлерін автомобиль көлігіндегі көліктік бақылау саласындағы   НҚА-дағы өзгерістермен, сондай-ақ көліктегі санитариялық-эпидемиологиялық бақылау функцияларымен таныстыру.

Семинарға тыңдаушылар ретінде аумақтық мемлекеттік кірістер органдары  қызметкерлері қатысты.

           Дәріскерлер ретінде:  Автомобиль көлігі және көліктік бақылау комитетінің Ахуалдық орталығының сарапшысы – Әділ Саятұлы Боранбай; Автомобиль көлігі және көліктік бақылау Комитеті Автомобиль көлігіндегі бақылау басқармасының маманы – Бекет Өмірбекұлы Ерсейтов; Санитариялық-эпидемиологиялық бақылау комитеті Көліктегі санитариялық-эпидемиологиялық бақылау департаменті Мемлекеттік шекараны санитариялық қорғау бөлімінің басшысы – Динара Амантайқызы Адильханова;  ҚР ҚМ МКК Кедендік бақылау департаменті Өткізу пункттерін үйлестіру басқармасының бас сарапшысы – Муратбек Сайлауович Альжанов қатысты.

Семинардың қорытындысы бойынша 56 қатысушы тестілеуден өтті және біліктілігін сәтті арттырғандығы туралы электронды сертификат алды.

Ақпарат көзі : https://www.gov.kz/memleket/entities/kgd/press/news/details/1189908?lang=kk