Среднегорное ауылдық округінің аумағында су тасқыны қаупі кезеңге дайындыққа бағытталған бірқатар алдын алу шаралары жүргізілді.

Атап айтқанда жаңбыр және еріген сулардың кедергісіз ағынын қамтамасыз ету үшін су өткізу құрылыстарын тазарту жұмыстары жүргізілді.
Барлығы 3 су өткізгіш құрылысы тазартылды:
– Среднегорное ауылында Заречная көшесі бойындағы Блиновский бұлағы арқылы өтетін су өткізгіш;
– Среднегорное ауылында Центральная көшесі бойындағы су өткізгіш;
– Андреевка ауылында Крутишка көшесі бойындағы Березовка өзені арқылы өтетін су өткізгіш.
Жұмыс барысында өзен арналары мен су өткізгіш құбырлар лайдан, қоқыстардан, шөгінділерден, өсімдіктерден және арналардың қалыпты жұмысына кедергі келтіретін басқа да заттардан тазартылды. Жүргізілген шаралардың нәтижесінде су өткізгіш құбырлар қалыпты жұмыс істеп тұр және су тасқыны мен еріген суларды қабылдауға толық дайын.

Ақпарат көзі : https://www.gov.kz/memleket/entities/vko-altai/press/news/details/1190566?lang=kk