Жаңа туылған нәрестелердің іріңді-септикалық инфекциялары – өмірінің алғашқы 30 күнінде пайда болатын жұқпалы-қабыну аурулары. Негізгі себептері – стафилококк инфекциясы, шартты патогенді ішек бактериялары және күтімдегі кемшіліктер. Инфекция көзі ретінде ананың аурулары, босану жолдары және медициналық қызметкерлердің санитариялық талаптарды сақтамауы жатады.
Ең жиі кездесетін түрі – омфалит (кіндік қабынуы). Ол катаральды, іріңді және некротикалық болып бөлінеді. Ең ауыр түрі – некротикалық омфалит, ол сепсиске әкелуі мүмкін.
Сепсис – иммунитеттің әлсіздігі кезінде дамитын ауыр жалпы инфекция. Оның дамуына шала туу, ананың инфекциялары, босану жарақаты және күтімнің дұрыс болмауы әсер етеді. Негізгі белгілері: кіндік жарасының кеш жазылуы, құсу, сарғаюдың ұзақ сақталуы.
Алдын алу шаралары:
жүктілікті ерте бақылау, ананың денсаулығын сақтау, асептика ережелерін сақтау, нәрестеге дұрыс күтім жасау, қол гигиенасын сақтау және инфекция көздерімен байланысқа жол бермеу.
Бұл шаралар нәрестенің денсаулығын сақтап, иммунитетін күшейтуге көмектеседі.
Ақпарат көзі : https://www.gov.kz/memleket/entities/departament-kkbtu-mangistau/press/news/details/1191743?lang=kk
Жауап қалдыру