01 сәуірде Департамент жанындағы Педагогикалық әдеп жөніндегі кеңестің жоспарлы отырысы өтті. Жиын барысында 2026 жылдың I тоқсанындағы жұмыс жоспарының орындалуы сараланып, алдағы кезеңге арналған басымдықтар мен жыл соңына дейінгі іс-шаралар нақтыланды. Отырыс қорытындысы бойынша облыстың білім беру бөлімдері мен ұйымдарына мынадай негізгі шешімдер мен ұсыныстар жолданды:
- Мәжбүрлеу фактілеріне тыйым салу: Қарағанды облысының білім беру бөлімдері мен ұйымдарына педагогтерді әлеуметтік желілерде жеке парақша жүргізуге немесе жазбаларға репост жасауға мәжбүрлеу фактілеріне жол бермеу қатаң тапсырылды.
- Басшылардың жауапкершілігі: Білім беру ұйымдарының басшыларына «Педагог мәртебесі туралы» заң талаптарын бұзған жағдайда, олардың жеке әкімшілік жауапкершілікке тартылатыны туралы ресми ескерту жасалды.
- Құқықтық ақпараттандыру: Педагогтердің құқықтары бұзылған немесе жоғарыда аталған заңсыздықтар анықталған жағдайда, мұғалімдердің тікелей Департаментке немесе Әдеп жөніндегі кеңеске жүгіну құқығы туралы ақпараттық-түсіндірме жұмыстарын күшейту жүктелді.
- Әдептілікті насихаттау: Педагогикалық әдеп нормаларын бұзудың алдын алу және ұжымдағы қолайлы моральдық-психологиялық климатты сақтау мақсатында жұмыс жоспарларын қайта қарау ұсынылды.
Ақпарат көзі : https://www.gov.kz/memleket/entities/control-karaganda/press/news/details/1192590?lang=kk
Жауап қалдыру