Ерейментау ауданының Торғай ауылында мемлекеттік органдар өкілдерінің, жұмыс берушілердің және ауыл тұрғындарының қатысуымен Ашық есік күні өтті.
Азаматтарды қабылдауды Ақмола облысының жұмыспен қамтуды үйлестіру және әлеуметтік бағдарламалар басқармасының басшысы Шолпан Рахматуллина жүргізді.
Іс-шараға жұмыс орындарын құруға қатысатын жұмыс берушілер де қатысты:
«Ерейментау Астық – 2014» ЖШС – атқарушы директор Усманов Есенгелді Сағындықұлы;
«AQ SHOQY» ЖШС – офис-менеджер Цух Елена Леонидовна.
Қабылдау барысында ауыл тұрғындарына арналған тренажер залының ашылуы (оған ғимарат пен спорттық жабдық қажет), ауыл ардагерлерінің қоғамдық қызметі және өзге де өзекті мәселелер бойынша азаматтардың өтініштері қаралды.
Сондай-ақ азаматтарға Қазақстан Республикасы Конституциясының нормалары түсіндірілді, оның ішінде еңбек ету құқығы, әлеуметтік қорғау және мемлекеттік органдарға жүгіну мәселелері бойынша.
Іс-шара сындарлы жағдайда өтіп, барлық азаматтардың өтініштері қарауға қабылданды.
Ақпарат көзі : https://www.gov.kz/memleket/entities/aqmola-social/press/news/details/1192383?lang=kk
Жауап қалдыру