Ақтөбе қаласының 25 жасар тұрғынына белгісіз адам телефон соғып, өзін «Қазпочта» қызметкері ретінде таныстырып, жеткізілгендей болып көрсетілген посылка туралы хабарлады. Посылканы алу үшін 1414 нөмірінен келген SMS кодын айтуын сұрады.
SMS кодын бергеннен соң, сәл уақыт өткеннен кейін, басқа бір алаяқ өзін банк қауіпсіздік қызметінің қызметкері ретінде таныстырып, оның атынан кредит рәсімдеуге әрекет жасап жатқандарын айтып, «қауіпсіз шотқа» ақша аудару қажеттігін айтқан.
Алаяқтардың нұсқауымен зардап шегуші банктерден кредит алып, өзінің пәтерін сатып 12 миллион теңгеден астам ақшаны алаяқтар берген шотқа аударған.
Полиция департаменті ескертеді: ешқашан бөтен адамдарға SMS кодтарын айтпаңыз, тіпті егер қоңырау шалған адам мемлекеттік орган немесе банк қызметкері ретінде таныстырса да. «Қауіпсіз шоттар» деген жоқ — бұл алаяқтардың айласы. Мұндай қоңыраулар келген жағдайда сөйлесуді дереу тоқтатып, банкке немесе құқық қорғау органдарына хабарласыңыз.
Абай болыңыз және өз қаржыларыңызды қорғаңыз!
Ақпарат көзі : https://www.gov.kz/memleket/entities/mvd-aktobe/press/news/details/1194883?lang=kk
Жауап қалдыру