2026 жылғы 8 сәуірде Басқарма мамандары үшін «Санитариялық-эпидемиологиялық бақылау мен қадағалауды жүзеге асыру кезіндегі сыбайлас жемқорлық тәуекелдері» тақырыбында семинар өткізілді. Семинар барысында мемлекеттік бақылау мен қадағалаудың негізгі бағыттары, оның ішінде профилактикалық бақылау, тексерулер және тергеулердің жүргізілу тәртібі қарастырылды. Бақылау және қадағалау қызметінің Қазақстан Республикасының заңнамасына сәйкестігін қамтамасыз ету мәселелеріне ерекше назар аударылды. Сонымен қатар санитариялық-эпидемиологиялық бақылау саласында туындауы мүмкін сыбайлас жемқорлық тәуекелдері талқыланып, олардың алдын алу шаралары түсіндірілді. Қатысушыларға сыбайлас жемқорлыққа қарсы іс-қимылдың негізгі тетіктері, оның ішінде мүдделер қақтығысын болдырмау, қызметтік ақпаратты заңсыз пайдалануға жол бермеу және белгіленген шектеулерді сақтау қажеттілігі жеткізілді. Семинар қорытындысы бойынша мемлекеттік қызметшілердің заңдылықты сақтау, сыбайлас жемқорлыққа қарсы мәдениетті қалыптастыру және Әдеп кодексі талаптарын қатаң ұстану маңыздылығы атап өтілді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1197907?lang=kk
Жауап қалдыру