Астана қаласы бойынша ҚАЖД Сарыарқа ауданының Пробация қызметінде есепте тұрған сотталғандарға психологиялық көмек көрсету және әлеуметтік қолдау мақсатында, 2026 жылғы 08 сәуірде Сарыарқа ауданы Пробация қызметінің инспектор-психологы, әділет капитаны Ошақбаева А.Н. есепте тұрған сотталған азаматшаны «Restart» қоғамдық қорына жолдауды ұйымдастырды.
Үкіметтік емес сектормен өзара іс-қимыл аясында сотталған азаматша қор психологы Зарина Кенжекараның жеке қабылдауында болып, оған эмоционалдық жағдайын тұрақтандыруға, құқыққа сай мінез-құлықты қалыптастыруға және қоғамға сәтті бейімделуге бағытталған білікті психологиялық көмек көрсетілді.
Аталған жұмыс жүйелі түрде жүргізіліп, қайталама қылмыстың алдын алуға, сондай-ақ пробациялық бақылауда тұрған тұлғаларды қайта әлеуметтендіруге бағытталған.
Ақпарат көзі : https://www.gov.kz/memleket/entities/duisastana/press/news/details/1200249?lang=kk
Жауап қалдыру