2026 жылғы 16 сәуірде КСЭБД басшысының орынбасары Зада Г.Н. Алматы қаласындағы Алматылық бөлімшелік басқармаға және Санитариялық-карантиндік бақылау пунктіне жұмыс сапарымен барды. Сапар барысында аталған құрылымдардың басшылығы және қызметкерлерімен жұмыс кездесуі өткізілді. Кездесу кезінде ағымдағы қызмет мәселелері, жүктелген міндеттердің орындалу барысы, сондай-ақ ведомствоаралық өзара іс-қимылды жетілдірудің өзекті бағыттары талқыланды. Әсіресе санитариялық-эпидемиологиялық бақылауды күшейту, сыртқы шекаралардағы карантиндік шараларды жетілдіру және ықтимал қауіптерге жедел әрекет ету тиімділігін арттыру мәселелеріне ерекше назар аударылды. Тараптар жұмыс үдерістерін оңтайландыру, материалдық-техникалық қамтамасыз етуді жақсарту және бақылау мен мониторинг жүйесіне заманауи цифрлық шешімдерді енгізу бойынша пікір алмасты. Кездесу қорытындысы бойынша бөлімшелердің үйлестіру жұмысын одан әрі күшейту және қолданыстағы нормативтік талаптар шеңберінде тұрақты әрі тиімді қызметін қамтамасыз ету жөнінде тиісті тапсырмалар берілді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1203436?lang=kk
Жауап қалдыру