Алматы облысына жұмыс сапары аясында Комитет төрағасының орынбасары Марал Рахимжанова азаматтарды жеке қабылдады. Кездесу барысында санитариялық-эпидемиологиялық талаптардың сақталуына байланысты өзекті мәселелер қаралды.
Ерекше назар санитариялық қағидалар мен нормалардың (СанПиН) сақталуына, соның ішінде мектепке дейінгі ұйымдарда тамақтандыруды ұйымдастыруға аударылды.
Өзін-өзі реттейтін ұйым өкілдері бейімделген ғимараттарда орналасқан балабақшалардағы үй-жайлардың құрамы мен алаңына қойылатын талаптарды заңнамалық реттеу мәселелерін, сондай-ақ ас блогының санитариялық жағдайын көтерді.
Қабылдау қорытындысы бойынша төраға орынбасары көтерілген мәселелерді шешу үшін жауапты құрылымдарға түсіндірмелер мен ұсынымдар берді.
Ақпарат көзі : https://www.gov.kz/memleket/entities/ksek/press/news/details/1203069?lang=kk
Жауап қалдыру