Алматы қаласы Полиция департаментінде 2026 жылдың бірінші тоқсанының қорытындысы бойынша жедел-қызметтік қызметтің нәтижелері қаралған кеңейтілген кеңес өтті.
Кеңес барысында атап өтілгендей, жалпы алғанда қаладағы криминогендік ахуал тұрақты деңгейде сақталуда. Қылмыс деңгейі 12%-ға төмендеді. Атап айтқанда, адам өлтіру, ауыр дене жарақатын салу, ұрлық, тонау, алаяқтық және интернет-алаяқтық сияқты санаттар бойынша көрсеткіштер азайған. Сонымен қатар, аталған қылмыстардың ашылу деңгейі де артқан.
Қоғамдық қауіпсіздікті қамтамасыз ету, кәмелетке толмағандар арасындағы құқық бұзушылықтың алдын алу, сондай-ақ жол қозғалысы тәртібін нығайту мәселелеріне ерекше назар аударылды. Полиция жасөспірімдер қылмысының алдын алу, жол-көлік оқиғаларын азайту және азаматтардың құқықтық санасын арттыру бағытында жүйелі жұмыстарды жалғастыруда.
Басым бағыттардың қатарында интернет-алаяқтыққа қарсы іс-қимыл, есірткі қылмыстарымен күрес, цифрлық шешімдерді дамыту және полиция қызметіне жасанды интеллект элементтерін енгізу де бар.
«Біздің басты міндетіміз – құқық бұзушылықтарға тек салдарымен күресу емес, олардың алдын алу. “Заң мен тәртіп” қағидаты полиция қызметкерлері үшін де, барлық азаматтар үшін де күнделікті өмір нормасына айналуы тиіс», – деп атап өтті Алматы қаласы Полиция департаментінің бастығы, полиция генерал-майоры Айдын Кабдулдинов.
Оның айтуынша, профилактикалық жұмысты күшейтуге, сотқа дейінгі тергеп-тексерудің сапасын арттыруға және жазаның бұлтартпастығын қамтамасыз етуге баса мән берілуде.
«Біз цифрлық шешімдерді кеңінен енгізіп, қылмыстарды ашу тиімділігін арттырудамыз. Ең бастысы – азаматтардың құқықтарын қорғауға басымдық береміз», – деді Айдын Кабдулдинов.
Кеңес қорытындысы бойынша алдағы кезеңге арналған негізгі міндеттер айқындалды. Олардың қатарында қоғамдық қауіпсіздікті одан әрі нығайту, профилактикалық жұмыстарды жетілдіру және халықтың полицияға деген сенімін арттыру бар.
По словам Главы алматинской полиции, особый акцент сделан на усилении профилактической работы, повышении качества досудебного расследования и обеспечении неотвратимости наказания.
«Мы усиливаем цифровые решения, повышаем эффективность раскрытия преступлений и, прежде всего, ориентируемся на защиту прав граждан», – констатировал Айдын Кабдулдинов.
По итогам совещания определены приоритетные задачи на предстоящий период, включая дальнейшее укрепление общественной безопасности, развитие профилактики и повышение уровня доверия населения к полиции.
Ақпарат көзі : https://www.gov.kz/memleket/entities/mvd-almaty/press/news/details/1204246?lang=kk
Жауап қалдыру