Маңғыстау облысында «Қауіпсіз аула» жедел-профилактикалық іс-шарасы өткізілуде. Оның мақсаты – қоғамдық тәртіпті қамтамасыз ету және тұрғындар үшін қауіпсіз әрі жайлы орта қалыптастыру.
Негізгі назар көпқабатты үйлердің аулаларына, кіреберістерге және азаматтар көп шоғырланатын орындарға аударылған. Іс-шараға полиция қызметкерлері мен Ұлттық ұлан әскери қызметшілері тартылып, ведомствоаралық кешенді тәсіл жүзеге асырылуда.
Сауда объектілеріне ерекше көңіл бөлінді. Ақтау қаласында бірнеше шағын аудандағы дүкендер алкоголь өнімін сатуға рұқсат құжаттарының болуына қатысты тексерілді. Бір объектіде тиісті рұқсаттың жоқтығы анықталып, кәсіпкермен профилактикалық және түсіндіру жұмыстары жүргізілді.
Сонымен қатар аула тұрғындары арасында әлеуметтік сауалнама жүргізілді. Тұрғындар қауіпсіздік деңгейі, құқық бұзушылықтарға көзқарасы және құқық қорғау органдарына сенім деңгейі туралы пікір білдірді. Алынған мәліметтер профилактикалық жұмысты жетілдіруге пайдаланылатын болады.
«Қауіпсіз аула» іс-шарасы алкогольдік және есірткілік мас күйінде жасалатын құқық бұзушылықтардың алдын алуға, сондай-ақ қоғамдық қауіпсіздікті нығайтуға бағытталған.
Аула қауіпсіздігі – мемлекет пен қоғамның ортақ міндеті.
Ақпарат көзі : https://www.gov.kz/memleket/entities/mvd-mangystau/press/news/details/1204256?lang=kk
Жауап қалдыру