Төрт жыл бұрын Новодолинский кентінде Мәдениет үйінің базасында «Белсенді ұзақ өмір» клубы өз жұмысын бастаған болатын. Бұл клубта кентіміздің аға буын өкілдері бос уақыттарын мәдени түрде өткізуге мүмкіндік алады.
Клубтың төрт жылдық қызметі барысында мерекелік даталарға, салауатты өмір салтына, рухани дамуға, жас ұрпаққа, халықтар достығына және басқа да көптеген тақырыптарға арналған іс-шаралар өткізілді. Клуб тек біздің кентіміздің ғана емес, сонымен қатар Шахтинск қаласының тұрғындары үшін де шығармашылық алаңға айналды. 1 мамыр – Қазақстан халқының бірлігі күніне арналған іс-шаралар жоспары аясында Достық фестивалі өткізілді. Кездесу «Мен тұратын өлкені сүйемін!» деп аталды. Кентімізде әртүрлі ұлт өкілдері тұрады, бірақ барлығымызды еңбекқорлық, патриотизм және туған жерге деген сүйіспеншілік біріктіреді.
Клубты құттықтап, мерекелік көңіл-күй сыйлап, қатысушыларды тамаша музыкалық нөмірлерімен қуантқан «Нежность» дуэті, «Ивушки» ансамблі, Азат Шаяхметов, «Гармония» ансамблі, Хамзиндер отбасы, Ирина Артемьева мен Ольга Цветкова болды. Қатысушылар би марафонына қатысып, караокеде Қазақстан халықтарының әндерін орындады. Жылы әрі жайлы атмосферада мерекелік шай дастарханы өтті.
Іс-шараны ұйымдастыру және өткізуге Ардагерлер кеңесі, Қоғамдық келісім кеңесі, Мәдениет үйі, Жастар ресурстық орталығы, кент әкімі аппараты қатысты.
Кенттің Ардагерлер кеңесінің төрайымы Н. М. Куцайға, Қоғамдық келісім кеңесінің төрайымы И. К. Артемьеваға, кент Мәдениет үйінің басшысы Ф. Г. Казанцеваға, мамандар М. А. Дементьева мен Е. А. Никонороваға, Шахтинск қаласының Мәдениет үйінің басшысы Л. Б. Козловаға, еріктілер қозғалысының көшбасшысы Влад Цыганковқа, сондай-ақ барлық қатысушыларға тамаша іс-шара үшін алғысымызды білдіреміз.
«Новодолинский кенті әкімінің аппараты» ММ
бас маманы Л.В. Чобанюк
Ақпарат көзі : https://www.gov.kz/memleket/entities/novodolinskiy-shahtinsk/press/news/details/1206488?lang=kk
Жауап қалдыру