«Заң мен тәртіп» қағидатын ілгерілету аясында Ш.Есенов атындағы Каспий технологиялар және инжиниринг университетінің бітіруші 4 курс студенттеріне арналған «Бос орындар жәрмеңкесі» акциясы өткізілді.
Жәрмеңкеге Маңғыстау облысы Әділет департаментінің өкілдері, құқық қорғау органдарының қызметкерлері, сондай-ақ жергілікті атқарушы органдардың мамандары қатысып, өз салалары бойынша түсіндіру жұмыстарын жүргізді.
Аталған шараның негізгі мақсаты – жас мамандарды еңбек нарығына бейімдеу, оларды мемлекеттік қызметке тарту, сондай-ақ кәсіби бағдар беру арқылы болашақ мансаптық бағыттарын айқындауға ықпал ету болып табылады.
Іс-шара барысында студенттерге мемлекеттік қызметке кіру тәртібі, конкурсқа қатысу кезеңдері, қойылатын талаптар мен іріктеу рәсімдері жан-жақты түсіндірілді.
Ақпарат көзі : https://www.gov.kz/memleket/entities/adilet-mng/press/news/details/1206451?lang=kk
Жауап қалдыру