Ерте жүктіліктің алдын алу-басты назарда: ауданда дөңгелек үстел өтті

22 сәуір күні №1 Новоишим орта мектебінің базасында
«Кәмелетке толмағандар арасындағы ерте жүктіліктің алдын алу» тақырыбында дөңгелек үстел форматында кеңейтілген отырыс өтті.

Іс-шара білім бөлімі басшысының төрағалығымен өтті. Оған аудан мектептерінің директорлары, тәрбие ісі жөніндегі директор орынбасарлары, әлеуметтік педагогтар мен психологтар қатысты.

Сондай-ақ ведомствоаралық құрылымдардың өкілдері шақырылды: аудан прокуратурасының аға прокуроры Вера Николаевна Осипова, кәмелетке толмағандар ісі жөніндегі аға инспектор Мира Джомартовна Кубитаева, аудандық емхананың салауатты өмір салтын қалыптастыру жөніндегі маманы Асем Тулемысова Умутбаева.

Негізгі назар ағымдағы жағдайды талдауға аударылды. Аудандық әдістемелік кабинет өкілдері мектептердегі профилактикалық жұмыстың мониторинг нәтижелерін ұсынып, негізгі проблемалық тұстарды атап өтті: іс-шараларды формалды өткізу, жүйеліліктің болмауы, ата-аналармен жұмыстың жеткіліксіздігі және ведомствоаралық өзара іс-қимылдың әлсіздігі.

Құқық қорғау органдары өкілдерінің баяндамалары маңызды бөлім болды. Кәмелетке толмағандар ісі жөніндегі аға инспектор білім беру процесінің барлық қатысушыларының құқықтық жауапкершілігіне ерекше назар аударды.

Мәселе медициналық тұрғыдан аудандық емхана маманы тарапынан қарастырылып, жасөспірімдердің репродуктивті денсаулық туралы ақпараттану деңгейін арттыру және жауапты мінез-құлық мәдениетін қалыптастырудың маңыздылығы атап өтілді.

Аудан прокуратурасының өкілі профилактикалық жұмыстың ұйымдастырылуына құқықтық баға беріп, кәмелетке толмағандардың құқықтары мен қауіпсіздігін қорғау мәселелері ерекше бақылауда екенін, ал профилактика заң талаптарын қатаң сақтауды қажет ететінін атап өтті.

Іс-шараның практикалық бөлімінде «Рузаевка орта мектебі» КММ психологы жұмыс жүргізді.

Қорытындыда әр мектепте іс-шаралар жоспарларын әзірлеу және түзету туралы шешім қабылданып, жауапкершілікті нақты бөлу, мерзімдерді белгілеу және орындалуын бақылау тетіктерін енгізу қажеттігі атап өтілді.

Ақпарат көзі : https://www.gov.kz/memleket/entities/gmusrep-roo/press/news/details/1206466?lang=kk