Көкшетау қаласында тұрғын үйлер аулаларында заңсыз орнатылған кедергілерді анықтау және оларды демонтаждау бойынша профилактикалық рейд өткізілді.
Ақмола облысының Төтенше жағдайлар департаментінің қызметкерлері коммуналдық қызметтер мен полиция өкілдерімен бірлесіп, облыс орталығындағы бірқатар көпқабатты тұрғын үйлерді тексерді. Тексеру барысында бетон блоктарын және өзге де өтуге кедергі келтіретін қоршауларды өз бетінше орнату фактілері анықталды.
Мұндай әрекеттер азаматтардың қауіпсіздігіне елеулі қауіп төндіреді: төтенше жағдай туындаған кезде жедел қызметтер шақыру орнына дер кезінде жете алмауы мүмкін. Рейд аясында арнайы техниканы пайдалана отырып, бетон блоктары алынып, шығарылды. Бұл арнайы техниканың кедергісіз өтуін қалпына келтіруге мүмкіндік берді.
Сондай-ақ, жедел қызметтердің өтуін қамтамасыз ету мәселесі жергілікті атқарушы органдар өкілдерінің қатысуымен КСК және МИБ төрағаларымен талқыланды. Айта кету керек, рейдтердің бірі тұрғындардың өтініші бойынша өткізілді: бұған дейін жедел медициналық жәрдем бригадасы жабылған жол салдарынан уақыт жоғалтқан.
Мұндай құқық бұзушылықтарды анықтау және жою жұмыстары жүйелі негізде жалғасын табатын болады.
Ақпарат көзі : https://www.gov.kz/memleket/entities/emer-akmola/press/news/details/1205707?lang=kk
Жауап қалдыру