23 сәуір – Ұлттық кітап күні және Кітапханашылар күніне орай аудан әкімі Д.Тоғызбаев кітапхана қызметкерлерімен арнайы кездесу өткізді.
Кездесу барысында сала мамандарын кәсіби мерекелерімен құттықтап, кітапхана ісінің өзекті мәселелері жан-жақты талқыланды. Сонымен қатар, кітапхана жұмысын жандандыру, оқырман санын арттыру және заманауи қызмет түрлерін енгізу бағытында ұсыныстар айтылды.
Аудан әкімі өз сөзінде кітапханашылардың рухани құндылықтарды дәріптеудегі, жас ұрпақты кітап оқуға баулудағы еңбегін ерекше атап өтіп, шығармашылық табыс, мықты денсаулық және толағай жетістіктер тіледі.
Іс-шара аясында бірқатар кітапхана қызметкерлері марапатталып, олардың еңбегі жоғары бағаланды.
Бұл кездесу кітапхана саласының қоғамдағы маңызын айқындай түсіп, рухани даму жолындағы бірлескен жұмыстың жалғаса беретінін көрсетті.
Ақпарат көзі : https://www.gov.kz/memleket/entities/aktobe-aitekebi/press/news/details/1207383?lang=kk
Жауап қалдыру