Ағымдағы жылдың 24 сәуір күні Өмірзақ ауылы әкімі аппараты тарапынан мемлекеттік қызмет көрсету сапасын арттыру және тұрғындардың құқықтық сауаттылығын көтеру мақсатында “Ашық есік күні” өткізілді.
Іс-шара барысында тұрғындарға мемлекеттік қызмет көрсету саласындағы өзекті мәселелер бойынша кең көлемде ақпарат берілді. Атап айтқанда, мемлекеттік қызметтерді алу тәртібі, қажетті құжаттар тізімі, сондай-ақ электрондық форматта қызмет алу мүмкіндіктері бойынша жан-жақты түсіндірме жұмыстары жүргізілді. Сонымен қатар, тұрғындар өздерін толғандырған сұрақтарын қойып, тиісті мамандардан нақты жауаптар алды.
Аталған іс-шара тұрғындар тарапынан оң бағасын алып, мемлекеттік қызметтерге қолжетімділікті арттыруға және халықпен кері байланысты нығайтуға өз үлесін қосты.
Ақпарат көзі : https://www.gov.kz/memleket/entities/mangystau-aktau-omirzak/press/news/details/1208397?lang=kk
Жауап қалдыру