2026 жылғы 24 сәуірде «Заң мен тәртіп» тұжырымдамасын іске асыру шеңберінде облыстық қадағалау органының бастамасымен бизнес-қоғамдастық өкілдерінің қатысуымен кезекті ауқымды акция «Заң мен тәртіп үшін бизнестен 100 игі іс» өткізілді.
Іс-шара барысында аймақ кәсіпкерлері ауылдық инфрақұрылымды дамытуға және халықтың өмір сүру сапасын жақсартуға бағытталған қолдау көрсетті.
Сөйтіп, Шал ақын ауданында «Алтын Астық КЗ» ЖШС 182 адам тұратын Ступинка ауылында фельдшерлік-акушерлік пункт салуда.
Бұл жобаны іске асырудың әлеуметтік маңызы зор, себебі ол ауыл тұрғындарын қолжетімді және уақтылы бастапқы медициналық-санитарлық көмекпен қамтамасыз етеді, медициналық көмектің сапасын жақсартады және ауылдық денсаулық сақтау жүйесін нығайтады.
Аққайың ауданында «Полтавское» ЖШС-і өз қаражаты есебінен Полтавка ауылындағы оқу орнында ақпараттық технологиялардың заманауи сыныбын жабдықтап, оны қажетті материалдық-техникалық базамен қамтамасыз етті, сол арқылы білім беру жүйесінің дамуына және өскелең ұрпақты қолдауға ықпал етті.
Бұл жобаның негізгі мақсаты-оқушылардың интеллектуалдық әлеуетін дамыту, ғылым мен ғылыми-зерттеу қызметіне қызығушылықты арттыру, сондай-ақ мектеп оқушыларын олимпиадаларға, байқауларға және ғылыми жобаларға қатысуға дайындау.
Мамлют ауданында «Денсаулық рецепті» ЖШС Новомихайловка ауылында жылжымалы дәріхана ұйымдастырды.
Кәсіпкердің аталған жобаны жүзеге асыруы 750 тұрғынның дәрі-дәрмекке қолжетімділігін қамтамасыз етуге бағытталған және денсаулық пен әлеуметтік әл-ауқат деңгейін сақтауға ықпал етеді.
Жүргізілген іс-шаралар бизнестің әлеуметтік жауапкершілігі қағидаттарын нығайтуға, мемлекет пен кәсіпкерлік қоғамдастық арасындағы серіктестікті дамытуға, сондай-ақ қоғамда өзара көмек пен заңға бағыну мәдениетін қалыптастыруға бағытталған.
Көрсетілген форматтағы жұмыс жалғасады.
Солтүстік Қазақстан облысының прокуратурасы
Ақпарат көзі : https://www.gov.kz/memleket/entities/prokuratura-sko/press/news/details/1208101?lang=kk
Жауап қалдыру