Шемонаихада полиция қоғамдық тәртіптің бұзылуын тоқтатты
Әлеуметтік желілерде Шемонаиха қаласындағы саябақтардың бірінде үш белгісіз тұлғаның қоғамдық тәртіпті бұзған сәті түсірілген бейнежазба жарияланды: олар қоқыс шашып, урналарды теуіп, орындықтарды сындырған, былапыт сөйлеп, қала мүлкіне залал келтірген.
Аталған факті бойынша полиция қызметкерлері жедел түрде тексеру іс-шараларын ұйымдастырды. Шемонаиха ауданының полиция бөлімі Жедел басқару орталығының бейнебақылау камераларының көмегімен құқық бұзушылардың кім екені қысқа мерзімде анықталды. Олар 2007 жылғы үш жергілікті тұрғын болып шықты.
Бұзақылар полиция бөліміне жеткізіліп, ұсақ бұзақылық, алкогольдік ішімдіктер ішу немесе қоғамдық орындарда масаң күйде жүру, тыныштықты бұзу, сондай-ақ бөтеннің мүлкін қасақана зақымдау баптары бойынша жауапкершілікке тартылды.
Материалдар заңнамаға сәйкес шешім қабылдау үшін сотқа жолданды.
Полиция тұрғындарды қоғамдық тәртіпті сақтауға, қоршаған орта мен мүлікке ұқыпты қарауға шақырады.
Шығыс Қазақстан облысының Полиция департаменті азаматтарға белсенді азаматтық ұстанымы үшін алғыс айтады және құқық бұзушылықтар анықталған жағдайда дер кезінде полицияға хабарлауды сұрайды.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1208667?lang=kk
Жауап қалдыру