10 сәуірде Саран қаласында «Мұғалім болу – мақтаныш!» бейіндік педагогикалық сынып жобасы аясында «Қабілетті және талантты жастар – біздің болашағымыз» атты VII аймақтық слет өтті.
Слеттің мақсаты – педагогикалық мамандыққа тұрақты қызығушылықты қалыптастыру және дамудың жеке кәсіби траекториясын таңдауға жәрдемдесу арқылы дарынды білім алушылардың кәсіби тұлға ретінде қалыптасуына жағдай жасу.
Слет үш кезең бойынша өткізілді: «Педагогикалық сынып: мүмкіндіктер алаңы» медиа-таныстырылымы; «Педагогикалық квест» зияткерлік ойыны; қызығушылықтар алаңы.
Шахтинск қаласынан бұл слетке 2022 жылдан бері аталған жобаның мүшесі болып табылатын С.Сейфуллин атындағы мектеп-гимназиясы қатысты. Мектеп қаламыздың намысын лайықты қорғап, жүлделі екінші орынды иеленді. Жеңіспен құттықтаймыз және алдағы уақытта табыс тілейміз!
Ақпарат көзі : https://www.gov.kz/memleket/entities/edu-shahtinsk/press/news/details/1209360?lang=kk
Жауап қалдыру