Ұйғыр ауданында Алматы облысы ПД-нің есірткі қылмысына қарсы іс-қимыл басқармасы мен киберқылмысқа қарсы іс-қимыл басқармасының қызметкерлері жоғары сынып оқушылары үшін жастардың құқықтық сауаттылығын және цифрлық қауіпсіздігін арттыруға бағытталған профилактикалық іс-шара ұйымдастырды.
Іс-шара аудандық мәдениет үйінде педагогтар, жергілікті атқарушы органдар өкілдері және Алматы облысы бойынша есірткі құқықбұзушылықтарының алдын алу жөніндегі кеңес мүшелерінің қатысуымен өтті.
Кездесу барысында полиция қызметкерлері оқушылармен жасөспірімдерді есірткінің заңсыз айналымына тартуға байланысты өзекті қауіптерді талқылады. Оқушыларға қаскөйлердің әлеуметтік желілерді, онлайн ойындарды және мессенджерлерді пайдалана отырып кәмелетке толмағандарды қалай тартатыны түсіндіріліп, тыйым салынған заттарды сақтау, тарату және жарнамалау үшін көзделген қылмыстық жауапкершілік туралы еске салынды.
Интернеттегі қауіпсіз мінез-құлық мәселелеріне ерекше назар аударылды. Полиция қызметкерлері жеке аккаунттарды қорғау жолдарын, SMS арқылы келетін кодтарды, банк карталарының деректемелерін және жеке мәліметтерді бейтаныс адамдарға беруге болмайтынын, сондай-ақ интернет-алаяқтық әрекеттері орын алған жағдайда қалай әрекет ету керектігін түсіндірді.
Кездесуге қатысушыларға тақырыптық бейнероликтер көрсетіліп, жасөспірімдер жиі тап болатын қылмыстық схемалардың нақты мысалдары ұсынылды.
Сонымен қатар, іс-шара аясында кітапхананың ашылуы өтті. Онда оқушылар үшін құқықтық тәрбие, интернет қауіпсіздігі және зиянды әдеттердің алдын алу тақырыптарындағы әдебиеттермен арнайы бұрыш ұйымдастырылды.
Ақпарат көзі : https://www.gov.kz/memleket/entities/mvd-alm/press/news/details/1209493?lang=kk
Жауап қалдыру