Ақтөбе облысы бойынша ағымдағы жылдың басынан бері атаулы әлеуметтік көмек 1928 аз қамтылған отбасына, оның ішінде 10 297 адамға жалпы сомасы 385,3 млн теңгеге тағайындалды.
Бұдан басқа, 1 жастан 6 жасқа дейінгі қоса алғанда атаулы әлеуметтік көмек алушылардың ішінен 3110 балаға 1,5 АЕК (6488 теңге) мөлшерінде 53,4 млн теңге көлемінде ай сайынғы қосымша төлем жүргізілді.
Қазіргі уақытта атаулы әлеуметтік көмекті 2-тоқсанға тағайындауға құжаттарды қабылдау жүзеге асырылуда. Ақтөбе облысы бойынша 2-тоқсанда кедейлік шегінің мөлшері 42 512 теңгені құрайды.
Атаулы әлеуметтік көмекті алуға үміткер адамдар (отбасылар) тұрғылықты жері бойынша Мансап орталықтарына немесе кент, ауыл, ауылдық округ әкімдеріне жүгіне алады, сондай-ақ электрондық цифрлық қолтаңба болған жағдайда үйден шықпай-ақ «Электрондық үкімет порталы» арқылы өтінім бере алады. Өтініш берген кезде сәйкестендіру үшін тек жеке куәлікті ұсыну қажет.
Ақпарат көзі : https://www.gov.kz/memleket/entities/aktobe-social/press/news/details/1210964?lang=kk
Жауап қалдыру